Süngö-sängö

Lafabëe tî Sängö

Âgerêmbëtï ayeke balë-ûse na ûse na yâ tî lafabëe tî sängö :

a	b	d	e	f	g	h	i	k	l	m
n	o	p	r	s	t	u	v	y	w	z

A zîa ïrï na sängö na ndö tî âgerêmbëtï sô ôko ôko kûê, töngasô sï zo alîngbi tî dîko yâ tî âtënë na nî na sängö. Ïrï tî âgerêmbëtï na gbegô tî âgerêmbëtï ayeke yê ndê ndê na yâ tî mîngi tî âyângâ tî ködörö. Atâa sô âla kpa terê kûê, ayeke nzönî mo bâa yê ûse sô töngana gï yê ôko pëpe, ngbanga tî sô, fânî mîngi, ïrï nî alîngbi tî dutï ndê sï gbegô nî alîngbi ngâ tî gue ndê.

Kpongbo tî âgerêmbëtï nî

*Gerêmbëtï*	*Ïrï nî*	*Gbegô nî*	*Gerêmbëtï*	*Ïrï nî*	*Gbegô nî*
a	âa	[a]	n	êni	[n]
b	bêe	[b]	o	ôo	[o]
d	dêe	[d]	p	pêe	[p]
e	êe	[e]	r	êre	[r]
f	fêe	[f]	s	êsi	[s]
g	gâa	[g]	t	têe	[t]
h	hâsi	[h]	u	ûu	[u]
i	îi	[i]	v	vêe	[v]
k	kâa	[k]	w	wêe	{w]
l	êle	[l]	y	yêe	[y]
m	êmo	[m]	z	zêe	[z]

C J Q X

Âgerêmbëtï usïö c, j, q, x ayeke na yâ tî lafabëe tî sängö pëpe. Kamême, a zîa ïrï na ndö tî âla na sängö, tîtene zo alîngbi tî dîko yâ tî âïrï wandê sô a sû nî na nî. :

c = sêe j = yôta, q = kâfa ,x = kîsi.