Pande tî sahngo

Histoire du sahngo

Ândö gîrîrî

 Aux origines

Gündâ tî yângâ tî sahngo ayeke yângâ tî dëndî, sô ayeke mbênî kêtê yângâ tî ngbahndi. Âzo angbâ tî tene yângâ tî dëndî nî na mbâgë tî Bangasu kâ asï na lâsô.  Yângâ tî dëndî laâ avunga, amû terê tî bali Ûbangî, asï na mbäli tî Ifondo na mbongo tî Bangî. Avunga töngasô kôzonî na sihngo tî âkôzo âmbunzû na koddoro nî na sêku tî 19 nî.

 Les origines du sahngo remontent au parler dëndî qui est un dialecte de la langue ngbahndi. De nos jours, on parle encore le dëndî dans la région de Bangassou. C'est le parler dëndî qui s'est propagé le long de long de la rivière Oubangui jusqu'ai niveau d'Ifondo au sud de Bangui. Cette expansion d s'est faite avant l'arrivée des Européens dans la région au 19^e siècle.

Tângo tî âmbunzû

A l'époque coloniale

Gängö tî âmbunzû âmvenî laâ apûsu yângâ nî tî vunga hîo mîngi, tî mû lê tî koddoro tî Bêafrîka nî kwê, asï na Tjâde. Âmbunzû-nzapä, âturûgu na âwadehngo-buzze laâ ayeke âkotta âwavuhngango-sahngo nî. Zo sô kwê asï na lê tî galâ wala anînga kêtê na yâ tî mbênî gbatta ayeke manda tî tene sahngo. Agä tî sï na ngû 1950, sahngo agä yângâ tî mîngi tî âzo na yâ tî âgbatta tî koddoro nî kwê awe.

 L'arrivée des Européens a contribué énormément à l'expansion du sahngo sur toute l'étendue du territoire centrafricain jusqu'au Tchad. Les missionnaires, les soldats et les commerçants ont été de grands agents de diffusion du sahngo. Toue personne qui a mis pied dans un marché ou qui a séjourné quelque temps dans une ville apprend à parler sahngo. Vers 1950, le sahngo était déjà la principale langue de toutes les villes du pays.

Tângo tî lipandäa

Après l'indépendance

Na tângo sô Bêafrîka agä ndepandäa, atâa sô sahngo agä kôzo yângâ tî Bêafrîka na wuhngo tî âwatennengo-nî kwê, a lîngbi tî mû fadë nî töngana yângâ tî kua tî letäa pëpe. Mbênî kua kêtê töngasô sô sï mbênî zo asâra na ndö tî yângâ tî sahngo nî tîtene amâi sï zo alîngbi tî sâra kua tî letäa na nî, ayeke daä na tângo nî sô pëpe. Amû tângo ngbi ngbi ngbi sï, kêtê na kêtê, sahngo asetï, akûku, alohndo, sï alutti lâsô na terê tî farânzi töngana yângâ tî letäa, alîngbi lïngbïngö na lo na lê tî ndya.

 A l'indépendance de la République Centrafriciane, bien que le sahngo soit la principale langue du pays par le nombre de ses locuteurs, il n'était pas possible d'en faire la langue de travail de l'Etat. Il n'existait pas en ce temps-là le moindre travail de fait sur la langue sahngo pour la développer afin de la rendre apte à servir de langue de travail de l'Etat. Il a fallu attendre longtemps pour que le sahngo puisse se lever péniblement et se tenir debout aujourd'hui aux côtés du français comme langue officielle de l'Etat et son égal en droit.

Tângo tî fadësô

Aux temps présents

Sahngo ayeke mâi lêgë-ôko na gîgî tî fadësô. Ayeke fa mbetti na nî na âkotta zo. Atara tî fa mbetti na nî na yâ tî âdambetti na âmôlengê awe. Âwandokua sô ayeke bâa lêgë tî yângâ nî na Bangî kâ angbâ tî sâra kua na ndö nî tîtene alîngbi na fahngo-yê na dambetti nzönî.

 Le sahngo évolue en même temps que la vie moderne. On s'en sert pour l'alphabétisation des adultes. Des expérimentations ont été faites dans l'enseignement scolaire. Les recherches se poursuivent à Bangui pourl'instrumentaliser convenablement en fonction des besoins de l'enseignement.

Na mbâgë âwagôsînga ayeke sâra kua tî âla, mîngi ni, na sahngo tîtene zo kwê na Bêafrîka  amä. Mawa nî laâ gï sô ngangü tî âdasînga nî na tî ôko datalâtu nî alîngbi pëpe sï âvunga âkuasînga tî âla nî na lê tî koddorosêse tî Bêafrîka nî kwê atêngbi pëpe.

 Par ailleurs, les journalistes annonceurs travaillent surtout en sahngo pour se faire comprendre de tout le monde en Centrafrique. Malheureusement la puissance des émetteurs des radios et surtout de l'unique station de télévision ne suffit pas à couvrir de leurs émisions toute l'étendue de la République Centrafricaine.

Fadësô, sahngo awara lêndo tî lo awe; na lê tî sangbilêgë tî ndögîgî mobimba. Zo kwê so ahînga sahngo gï na yângâ, ayeke wara lêgë fadësô tî manda tî sû nî mbîrrimbiri na mbetti. Âzo sô kwê asâra nzara nî alîngbi fadësô tî to mbetti na poppo tî âla na sahngo wala tî têngbi na ndo sô, na ndö tî lêndo tî yângâ tî sahngo sô

 Maintenant le sahngo a son site planté au carrefour du monde. Toute personne qui connaît le sahngo oralement a maintenant la possibilité d'apprendre à l'écrire correctement. Tous ceux qui le souhaitent peuvent maintenant échanger en sahngo par écrit ou encore se retrouver ici sur ce site consacrée à la alngue sahngo