Ândya na laggerema tî sahngo

1963. Na nze tî Föndo, Lihngo tî ôko kamâporosö MESAN amû towwango na ngurugbya na ndö tî âmbênî kâmba tî kua tî yahngo sahngo na nduzzu

1964. Gbeguhndya n° 64/37 tî lahngo 26 tî nze tî Nabändurü tî ngû tî 1964 adonga yângâ tî sahngo töngana yângâ tî halëzo tî Bêafrîka.

1965. Tohmbela n° 65/022 tî lahngo 15 tî Nyenye tî 1965 asîo Komitëe tî Letäa tëtî Sêndâsahngo (Comité national pour l'Etude du Sango, CNES) sï ahûnda na lo tîtene lo bâa lêgë tî nzönî suhngo-sahngo, bûku tî bakarî, na bûku tî ndyayângâ tî sahngo.

1974. Tohmbela n° 74/077 tî lahngo 2 tî nze tî Fulundïgi tî 1974 asîo Ndokua tî letäa tëtî fahngo-yê (Institut pédagogique national) sï ahûnda na lo tîtene :

• lo leke lêgë tî lohnzingo sêfahngo-yê tî letäa, sï agä nzönî ahön tî kôzonî.
• lo bâa lêgë tî fahngo sahngo na yâ tî âda tî mahndango-mbetti
• lo bâa lêgë tî fahngo mbetti na âkotta zo na sahngo

1976 - 1981 - 1986. Âmamândya tî lahngo 4 tî Kakawaka tî 1976, na tî lahngo 4 tî Fulundïgi tî 1981, na tî lahngo 26 tî Nabändüru tî 1986, kwê abata sahngo töngana yângâ tî halëzo tî Koddorosêse tî Bêafrîka.

1977. Nyôtohgbya n° 77/011 akuni kôzo kodë tî suhngo-sahngo tî letäa.

1982. Mbênî kotta bûngbi tî kua na ndö tî lohnzingo sêfahngo-yê tî letäa amû gbâ tî towwango na ndö tî yângâ tî sahngo, atene :

•  Ayeke nzönî a fa sahngo na dambetti sï ngâ a fa mbetti na sahngo.
• Ayeke nzönî a sîgî na mbênî pialö tî gihngo-ndo na ndö tî nzönî lêgë tî fahngo sahngo na yâ tî âdambetti.
• Ayeke nzönî a sîo mbênî kpehngba bêndo tî kua tî yâa sahngo na nduzzu taâ mbîrrimbiri.

1984a. Tohmbela n° 84/025 tî lahngo 28 tî Nyenye tî 1984 akuni lafabëe tî sahngo na finî kodë tî suhngo-sahngo tî letäa. Sô laâ ë yeke sâra na kua asï na fadësô.

  1984b. Âmbella n° 013 na n° 014 tî ânze tî Mbahngu na Ngubë tî 1984 asîo Lihngo tî letäa tëtî yângâ tî sahngo (Commission nationale pour la langue sahngo), na Lihngo tî letäa tëtî âyângâ tî letäa na yêvungä (Commission nationale des langues nationales et média) na yâ tî Danyôgbya tî kuasînga.

1984c. Nyôgbya n° 84/031 tî lahngo 14 tî Bêläwü tî 1984 afa lêgë tî finî döngbïngö fahngo-mbetti na Bêafrîka, sï amû sahngo azîa nî na terê tî farânzni töngana ûse yângâ tî fahngo-mbetti na nî na yâ tî âdambetti.

1989a. mbella n° 023//MENES/CAB/UB tî lahngo 24 Ngubë tî 4989 asîo Kpengü dawësëngö sêdutï tî âyângâ tî koddoro, na yâ tî Ndokua tî Sêndâyângâ na Pendâkua nî.

1989b. mbella n° 056/MENES/CAB tî nze tî Föndo tî 1989 asîo mbênî Dakusâra tî letäa tëtî âyângâ tî koddoro tî Bêafrîka.

1991. Gbeguhndya n° 91.003 tî lahngo 8 tî Mbahngu tî 1991, ayâa sahngo töngana yângâ tî letäa tî Bêafrîka lêgë-ôko na yângâ tî farânzi.

1992. Mbella n° 081/MESGBRS/CAB tî lahngo 16 tî Nabändüru tî 1992 asîo Wahngo tî letäa tëtî battango âyângâ tî koddoro na Koddorosêse tî Bêafrîka.

1995. Mamândya tî lahngo 14 tî Nyenye tî 1995 akpo tenne nî atene sahngo ayeke yângâ tî kua tî letäa lêgë-ôko na yângâ tî farânzi.

1996. Muhngo-yângâ tî gbenyôgbya n° 0021 / MENRST / SE / CAB / COSUREGEF tî lahngo 1 tî Fulundïgi tî 1996 asîo mbênî Lihngo tî letäa tëtî sarrango kua na ndö tî kodë tî fahngo-yê na sahngo ngâ na fahngo sahngo na yâ tî âdambetti na Koddorosêse tî Bêafrîka.