Mbai

Ahânda koso na kpahngaba

Ayeke töngasô laâ âzo ayeke kamâta âkoso sô ayeke tambûla na lê tî koddoro kîrîkiri sô, sï ayeke fâa âla sô. Töngana lê tî mo ahën pëpe, mo bâa gï mbênî kêtê nzönî sô wasyobê asâra na mo, mo tï na pekô tî lo, kandâa lo hânda mo tî gue na mo ngbiii `î fâa mo laâ. Töngana lê tî mo akpêngba pëpe, a yeke vo mo, a yeke kä mo, na ndö tî bubba tî mo, sân tîtene mo mä yâ nî.

Ane na ndö tô kömë, sï ane na ndö tô badâ.

    Zo ayeke te komme, ayeke te ngâ badâ. Ayeke töngana kotta pâsi laâ ayeke ne na ndö tî âla ûse kwê lêgë-ôko. Ka ndâni nye sï badâ âkîri âsâra ngonzo na terê tî komme ndâli tî tî-lo pâsi nî sêngê sêngê sô?! Nî laâ komme atene na lo atene : "Ë na mo kwê laâ ë yeke bâa pâsi sô, mo kîri mo tene mbï yôo tî mo pâsi nî, ka zo wa laâ âyô ânde tî tî-mbï ?!" Âmbênî âzo ayeke töngana badâ. Mo na âla kwe ayeke na yâ tî pâsi, âla kîri ayeke hûnda mo tî bâa mawa tî âla mô-bâa-mo-tene mo laâ mo yeke tî mo nzönî!
Ngû ague lo ôko aba.

    Töngana mo zo mo yê tî mä wahngo tî âmbâ tî mo pëpe, fadë kusâra tî mo ague bîrringi-biringi. 

Tambûla laâ ayeke sûru lêgë

    Zo sô alahngo na yâ tî kêtê koddoro tî ngonda, kâ na yângâ tî yakka, ahînga atene, gï na gwehngo na mbâ laâ lêgë ayeke sûru na poppo tî âda nî. Lêgë- ôko, sarrango-sohngo na nzönî dutï ayeke mâi na poppo tî âwaterêda gï töngana âla hînga tî gä tî dutï na mbâ.

Töngana da tî mbâ tî mo ayeke gbï, tûku ngû na li tî da tî mo.

    Syonî âwara mbâ tî mo ndâli tî syonî kodë tî lo, bâa ndo na terê tî mo-wanî, mo leke ndo tî mo na lêgë nî, sï kêkerêke syonî sô awara lo sô awara mo pëpe.

Torô torô afün sen.

    Töngana mo sâra mbênî yê sô alîngbi tî ne na ndö tî âmbâ tî mo, gï fânî ôko, ayeke sêngê. Me töngana mo sâra nî lâkwê, agä ndê awe, sï âla lîngbi tî kasa mo ndâli nî.

Yê tî bahngo ayeke ngbâ na nduzzu pëpe.

    Lê tî kekke sô ayeke be na yâ tî kekke nî na nduzzu, atâa zo akô nî kohngo pëpe, fqdë abe ngbiii afün sï atï, alîngbi tî ngbâ ânde na nduzzu sêkü pëpe; Lêgë-ôko,  töngana zo asâra syonî ngbiii sï yê tî terê tî lo kwê abuba awe, lo yeke gue gï tî tï.