Pawüngö ayeke mbupa sô zo ayeke fa wala ayeke hûnda wüngö tî yê na nî. Na sängö, âpawüngö ayeke gä na kötï tî ïrï tî yê sô âla yeke fa sô. Töngana tî sô :
âzo ôke? âzo otâ, âzo mîngi, âzo balë-ôko.
Âpawüngö sô zo ayeke dîko yê na nî, a îri nî atene : âwûngö. Âla tî gündâ nî ayeke balë-ôko :
1. |
ôko |
6. |
omenë (omanä) |
2. |
ûse |
7. |
mbâsâmbâlâ (mbrâmbrâ) |
3. |
otâ |
8. |
meambe |
4. |
usïö |
9. |
gümbâyä |
5. |
okü |
10. |
balë-ôko |
Tî fa atene wüngö tî mbênî yê ayeke sa ôko pëpe, a tene : nîgïsi , sô nzorôko nî ayeke 0. A îri âwüngö sô alöndö na nîgïsi asï na gümbâyä atene âgerêwüngö,ngbanga tî sô gï âla laâ zo ayeke mû nzorôko tî âla tî sû na âtanga tî âwüngö na nî.
Alöndö na balë-ôko asï na balë-gümbâyä na gümbâyä. Dïköngö-nî ayeke töngana tî sô:
11. |
balë-ôko na ôko |
60. |
balë-omenë |
20. |
balë-ûse |
70. |
balë-mbâsâmbâlâ |
30. |
balë-otâ |
80. |
balë-meambe |
40. |
balë-usïö |
90. |
balë-gümbâyä |
50. |
balë-pkü |
99. |
balë-gümbâyä na gümbâyä |
Tî zîa mbênî gerêwüngö na ndö tî mbênî wüngö tî balë-ôko nî, zo mîngi ayeke tene: na wala na ndö nî.. Me, ayeke nzönî ë manda tî tene lâkûê gï "na" na pekô tî âwüngö tî balë-ôko, töngana tî sô : "balë-usïö na meambe".